சனி, 5 ஜனவரி, 2019

நட்சத்திரக் கண்கள் - புத்தக விமர்சனம்

நட்சத்திரக் கண்கள் - புத்தக விமர்சனம்




யுவா

நட்சத்திரக் கண்கள்
ஆசிரியர்: கொ.மா.கோ.இளங்கோ
விலை: ரூ.80

புக்ஸ் ஃபார் சில்ட்ரன்
7, இளங்கோ சாலை, தேனாம்பேட்டை
சென்னை - 600 018

நிலா போன்று அழகான கதைகள்... அவற்றுடன் நட்சத்திரங்கள் போன்று ஆச்சர்யமான அறிவியல் தகவல்கள்... இதுதான், ‘நட்சத்திரக் கண்கள்’ கதைத் தொகுப்பு. மொத்தம் 14 கதைகளை அளித்துள்ளார், ஆசிரியர்     கொ.மா.கோ.இளங்கோ. சிறார்களுக்காக பல்வேறு கதைத் தொகுப்புகளை எழுதிய அனுபவம், இந்தத் தொகுப்பில் நன்கு கைகொடுத்துள்ளது. ஒவ்வொரு கதையுமே மிக எளிய நடையில், எங்கும் தடையின்றி செல்கிறது.
‘அட’ எனப் புன்னகைக்கச் செய்யும்  புதுமையை ஒவ்வொரு கதைகளுக்குள் கொண்டுவந்திருப்பது சிறப்பு. உதாரணமாக... ‘நீ என்ன ஆகப்போறே?’ கதையில் வரும் மீனா என்ற சிறுமி, எந்த ஒரு விஷயத்தையும் வித்தியாசமான கோணத்தில் பார்க்கிறாள். எழுத்துகள் பற்றி அவள் சொல்லும் விஷயம், அவ்வளவு அழகு.
ஒவ்வொரு கதைக்குப் பிறகும் இணைப்பாகக் கொடுக்கப்பட்டிருக்கும் தகவல்கள், நம்மைச் சுற்றியிருக்கும் பிற உயிரினங்கள், சுற்றுச்சூழல் மீதான அக்கறையை உணர்த்துகிறது. ஓவியங்கள் ஒவ்வொன்றும் தொகுப்புக்கு அழகு சேர்க்கிறது. இந்தப் புத்தகத்தைப் படித்து முடித்ததும், இயற்கையையும் உயிரினங்களையும் இன்னும் அதிகமாக நேசிப்போம் என்பதில் சந்தேகமில்லை

கருத்துகள் இல்லை: